အကြမ်းဖက်စစ်တပ်က ရှမ်းပြည်နယ်(တောင်ပိုင်း)၊ ဖယ်ခုံမြို့နယ်၊ စလောင်းကျေးရွာနှင့် စလင်းမိုးငံကျေးရွာကြားရှိ ဆောင်းဖွေးဆေးရုံအား ဂျက်ဖိုက်တာဖြင့် ပစ်ခတ်တိုက်ခိုက်မှု
အသေးစိတ်အချက်အလက်များကို အောက်ပါ လင့်တွင် လေ့လာနိုင်ပါသည်။
၂၀၂၃ ခုနှစ်၊ ဧပြီလ (၂၅)ရက်နေ့တွင် အကြမ်းဖက်စစ်အုပ်စု၏ တောင်ငူဘက်မှပျံသန်းလာသော ဂျက်ဖိုက်တာသည် ရှမ်းပြည်နယ် (တောင်ပိုင်း)၊ ဖယ်ခုံမြို့နယ်၊ စလောင်းကျေးရွာနှင့် စလင်းမိုးငံကျေးရွာကြားရှိ ကယန်းပြည်သစ်၊ ကယန်းအမျိုးသားကျန်းမာရေးကော်မတီ၏ လူထုအခြေပြု ကိုယ်ထူကိုယ်ထအဖြစ်ဖွင့်လှစ်ထားပြီး ကယန်းဒေသခံများ၊ ကိုယ်ဝန်ဆောင်မိခင်များ၊ နာမကျန်းဖြစ်သည့် စစ်ဘေးရှောင်အရပ်သားများကို ဆေးကုသမှု ပေးနေသော ဆောင်းဖွေးဆေးရုံကို တိုက်ပွဲဖြစ်ပွားခြင်း မရှိဘဲ အရပ်သားပြည် သူများကို ရည်ရွယ်ချက်ရှိရှိ ဂျက်ဖိုက်တာ ဖြင့် (၃)ကြိမ် ပေါင်(၅၀၀)ဗုံး (၂)လုံးနှင့် (၁၂၀) မမဗုံးများ ကြဲချတိုက်ခိုက်ခဲ့ပါသည်။
အဆိုပါ ဗုံးကြဲတိုက်ခိုက်မှုကြောင့် ဆေးဝန်ထမ်း(၁)ဦးတွင် ဒူးခေါင်းထိခိုက်ဒဏ်ရာ၊ အသက်(၆)နှစ်အရွယ်ကလေးငယ်အပါအဝင် အရပ်သားပြည်သူ(၃)ဦးတွင်လည်း မျက်လုံးအပြင် ထွက်ကျသည့်ဒဏ်ရာ၊ ဝမ်းဗိုက်ထိခိုက်ဒဏ်ရာ၊ ခါးထိခိုက်ဒဏ်ရာနှင့် ခေါင်းထိခိုက်ဒဏ်ရာရှိခဲ့သည်။
လူ့အခွင့်အရေးဆိုင်ရာဝန်ကြီးဌာနအနေဖြင့် ပြည်သူတစ်ရပ်လုံး တန်းတူညီမျှမှုရရှိရေး၊ ငြိမ်းချမ်းရေးနှင့်တရားမျှတမှုရရှိရေးတည်းဟူသော ဦးတည်ချက်များကို ခိုင်ခိုင်မာမာလက်ကိုင်ဆွဲထား၍ အကြမ်းဖက်စစ်တပ်၏ ကျုးလွန်မှုများကိုအပြစ်ပေးအရေးယူနိုင်ရေး အစွမ်းကုန်တာဝန်ယူဆောင်ရွက်သွားပါမည်။
ဆက်စပ်အကြောင်းအရာများ
