ပဋိပက္ခကာလအတွင်း စစ်ကောင်စီ၏ လုံခြုံရေးတပ်များမှ အမျိုးသမီးအခွင့်အရေးချိုးဖောက်မှုအစီရင်ခံစာ ထုတ်ပြန်ကြေငြာချက်

၂၁ အောက်တိုဘာ ၂၀၂၁

စစ်တပ်မှအာဏာသိမ်းလိုက်သည့် ၂၀၂၁ ခုနှစ်၊ ဖေဖော်ဝါရီလ၊ ၁ ရက်နေ့မှ စက်တင်ဘာလထိ ၈ လတာ ကာလအတွင်း မြန်မာနိုင်ငံတွင် အမျိုးသမီးများအပေါ် စစ်တပ်မှ ကျူးလွန်ခဲ့သည့် အမျိုးသမီးအခွင့်အရေး ချိုးဖောက်မှု အခြေအနေများကိုတင်ပြထားသည့် အစီရင်ခံစာကို အမျိုးသမီး၊ လူငယ်နှင့် ကလေးသူငယ်ရေးရာဝန်ကြီးဌာနနှင့် လူ့အခွင့်အရေးဆိုင်ရာ ဝန်ကြီးဌာနတို့ပူးပေါင်း၍ ယနေ့ထုတ်ပြန်လိုက်သည်။

စစ်အာဏာရှင်လက်ထက်တွင် အမျိုးသမီးထုသည် အသက်ဘေးရင်ဆိုင်နေရခြင်းများအပြင် လူ့အခွင့်အရေးချိုးဖောက်မှုအမျိုးမျိုးကိုလည်း ကျူးလွန်ခံနေရပါသည်။ နိုင်ထက်စီးနင်းပြုကျင့်ခံနေသည့် အမျိုးသမီးထု၏ ဆုံးရှုံးနစ်နာမှုများကို ဖော်ထုတ်တင်ပြရန်၊ အကြမ်းဖက် စစ်ကောင်စီ တပ်များ၏ လူမဆန်သည့်ကျူးလွန်မှုများကို ထိရောက်စွာအရေးယူနိုင်ရန်၊ အမျိုးသမီးထု၏ အခွင့်အရေးကို ထိရောက်စွာ ကာကွယ်စောင့်ရှောက်နိုင်ရန် ရည်ရွယ်၍ ဤအစီရင်ခံစာကို ပြုစုထုတ်ပြန်ရခြင်းဖြစ်သည်။