အရပ်ဖက် အဖွဲ့အစည်းများ၏ အခန်းကဏ္ဍမြှင့်တင်ရေး ကုလသမဂ္ဂ အထွေထွေ ညီလာခံ ဆက်စပ်အစည်းအဝေးကို ပြည်ထောင်စုဒုတိယဝန်ကြီး ဦးအောင်ကျော်မိုးတက်ရောက်
၇၈ ကြိမ်မြောက် ကမ္ဘာ့ကုလသမဂ္ဂ ညီလာခံကျင်းပနေစဉ်တွင် အမျိုးသားညီညွတ်ရေးအစိုးရ၊ နိုင်ငံခြားရေးဝန်ကြီးဦးဆောင်သော မြန်မာကိုယ်စားလှယ်အဖွဲ့သည် မြန်မာ့အရေးနှင့်စပ်လျဉ်း၍ တွေ့ဆုံသင့် တွေ့ဆုံထိုက်သူများနှင့် တွေ့ဆုံခဲ့ပြီးဖြစ်ကြောင်းထုတ်ပြန်ချက်များ ထုတ်ပြန်ခဲ့ပြီးဖြစ်ပါသည်။
အဆိုပါတွေ့ဆုံမှုများတွင် ၂၂.၉.၂၀၂၃ (ဒေသစံတော်ချိန်)တွင် The Elders ၏ ဥက္ကဋ္ဌ နှင့် အိုင်ယာလန်နိုင်ငံ၏ သမ္မတဟောင်းဖြစ်သူ H.E. Ms Mary Robison ဦးဆောင်သော The Elders ၏ တာဝန်ရှိသူများနှင့်လည်းတွေ့ဆုံကာ မြန်မာ့အရေး အမြင်ချင်းဖလှယ်ဆွေးနွေးခဲ့မှုလည်းပါဝင်ပါသည်။
ထို့ပြင် IOC၊ IDB၊ UNDP တို့ ပူးတွဲပြုလုပ်တဲ့ အရပ်ဖက်အဖွဲ့အစည်းများရဲ့ အခန်းကဏ္ဍမြှင့်တင်ရေးကုလသမဂ္ဂ အထွေထွေညီလာခံဆက်စပ်အစည်းအဝေးကို၂၂.၉.၂၀၂၃ရက်နေ့ (ဒေသစံတော်ချိန်)တွင် အမျိုးသားညီညွတ်ရေးအစိုးရ ၊လူ့အခွင့်အရေးဝန်ကြီးဌာန ပြည်ထောင်စုဒုတိယဝန်ကြီးဦးအောင်ကျော်မိုးတက်ရောက်ခဲ့ပြီး ကုလသမဂ္ဂလက်ထောက်အတွင်းရေးချုပ်၊ နှင့် အိုင်ဒီဘီဘဏ်တာဝန်ရှိသူများနှင့်တွေ့ဆုံကာ ရိုဟင်ဂျာအရေးအပါအဝင် မြန်မာ့ဒီမိုကရေစီအရေးကို ကူညီပေးနိုင်ရေးလိုအပ်ချက်နှင့် အမျိုးသားညီညွတ်ရေးအစိုးရအနေနှင့် ဆောင်ရွက်လျက်ရှိသည်များကို အမြင်ချင်းဖလှယ်ဆွေးနွေးခဲ့ကြပါသည်။
ဆက်စပ်အကြောင်းအရာများ
