စစ်ကိုင်းတိုင်း၊ ဘုတလင်မြို့နယ်၊ စီပါကျေးရွာအား အကြမ်းဖက်စစ်အုပ်စု လက်အောက်ခံတပ်ဖွဲ့များက အကြမ်းဖက်၍ ရက်ရက်စက်စက်သတ်ဖြတ်ခဲ့သည့်ဖြစ်စဉ်
အသေးစိတ်အချက်အလက်များကိုအောက်ပါ လင့်တွင် ဒေါင်းလုပ် ရယူနိင်ပါသည်။
၂၀၂၄ ခုနှစ်၊ အောက်တိုဘာလ (၁၇) ရက်နေ့၊ မနက် ၉ နာရီကျော်တွင် စစ်ကိုင်းတိုင်း၊ ဘုတလင်မြို့နယ်၊ စီပါကျေးရွာကို အကြမ်းဖက်စစ်အုပ်စု၏ စစ်ကိုင်းအခြေစိုက် တပ်မ ၃၃၊ နမခ လက်အောက်ခံကလေးအခြေစိုက် ခလရ ၈၉ ၊ ရဲနှင့် ပျူစောထီးများပူးပေါင်းကာ စစ်ကြောင်းထိုး ဝင်ရောက်စီးနင်းခဲ့သည်။ အဆိုပါ စစ်ကြောင်းသည် ကျေးရွာရှိ အိမ်ခြေ ၃၀၀ ခန့် အား မီးရှို့ဖျက်စီးခဲ့သည့်အပြင် ပြည်သူ ၆ ဦးကိုလည်း ခေါင်းနှင့်ကိုယ်လက်များ ဖြတ်တောက်ခြင်း၊ သေနတ်ဖြင့် ပစ်သတ်ခြင်းများ စသည့် ပုံစံမျိုးစုံဖြင့် ရက်ရက်စက်စက် အကြမ်းဖက် သတ်ဖြတ်ခဲ့သည်။
လူ့အခွင့်အရေးဆိုင်ရာဝန်ကြီးဌာနအနေဖြင့် ပြည်သူတစ်ရပ်လုံး တန်းတူညီမျှမှုရရှိရေး၊ ငြိမ်းချမ်းရေးနှင့်တရားမျှတမှုရရှိရေးတည်းဟူသော ဦးတည်ချက်များကို ခိုင်ခိုင်မာမာလက်ကိုင်ဆွဲထား၍ အကြမ်းဖက်စစ်တပ်၏ ကျုးလွန်မှုများကိုအပြစ်ပေးအရေးယူနိုင်ရေး အစွမ်းကုန်တာဝန်ယူဆောင်ရွက်သွားပါမည်။
ဆက်စပ်အကြောင်းအရာများ
