ရှမ်းပြည်နယ်၊ ပင်လောင်းမြို့နယ်၊ နမ့်နိန်းကျေးရွာ ၌ အကြမ်းဖက်စစ်အုပ်စု၏ အစုအလိုက် အပြုံလိုက်သတ်ဖြတ်မှု
အသေးစိတ်အချက်အလက်များကို အောက်ပါ လင့်တွင် လေ့လာနိုင်ပါသည်။
အဆိုပါအကြမ်းဖက်မှုဖြစ်စဉ်ကို ဌာနချုပ်မှူး၊ဗိုလ်မှူးချုပ်နေလင်းအောင်ကွပ်ကဲသော ဖယ်ခုံမြို့နယ်အခြေစိုက် အမှတ်(၇) စစ်ဆင်ရေးကွပ်ကဲမှု (စကခ-၇) ၊စကခ-၁၈ ၊တိုင်းမှူး ဗိုလ်ချုပ် မျိုးမင်းထွန်းကွပ်ကဲသော တောင်ကြီးမြို့အခြေစိုက် အရှေ့အလယ်ပိုင်း တိုင်းစစ်ဌာနချုပ် က အကြမ်းဖက်စစ်သားများကကျူးလွန်ခဲ့ကြောင်းသိရှိရပြီး ပြည်သူပိုင် နေအိမ်(၁၀)လုံးအား မီးရှို့ဖျက်စီးခဲ့ ကြောင်းလည်းသိရှိရသည်။
လွန်ခဲ့သော (၂)ပတ်ခန့်က မီးရှို့ဖျက်စီးမှုကြောင့် ပင်လောင်းမြို့နယ် ၊နမ့်နှိမ်းကျေးရွာတကြောတွင် နေအိမ်အလုံး (၅၀) ပျက်စီးဆုံးရှုံးခဲ့ရပြီး လက်နက်ကြီးပစ်ခတ်မှုကြောင့် အသက် ၅၀ အရွယ် ပြည်သူ တစ်ဦး သေဆုံးခဲ့ရသည်။
လူ့အခွင့်အရေးဆိုင်ရာဝန်ကြီးဌာနအနေဖြင့် ပြည်သူတစ်ရပ်လုံး တန်းတူညီမျှမှုရရှိရေး၊ ငြိမ်းချမ်းရေးနှင့်တရားမျှတမှုရရှိရေးတည်းဟူသော ဦးတည်ချက်များကို ခိုင်ခိုင်မာမာလက်ကိုင်ဆွဲထား၍ အကြမ်းဖက်စစ်တပ်၏ ကျုးလွန်မှုများကိုအပြစ်ပေးအရေးယူနိုင်ရေး အစွမ်းကုန်တာဝန်ယူဆောင်ရွက်သွားပါမည်။
ဆက်စပ်အကြောင်းအရာများ
