ပြည်ထောင်စုဝန်ကြီး ဦးအောင်မျိုးမင်း သြစတြေးလျ ကွင်းစလန်းပြည်နယ် ဘရစ်ဘိန်းမြို့ရှိ မြန်မာတိုင်းရင်းသား အဖွဲ့အစည်းများမှ ပုဂ္ဂိုလ်များနှင့် တွေ့ဆုံ

ပြည်ထောင်စုဝန်ကြီး ဦးအောင်မျိုးမင်းနှင့် ဒုတိယပြည်ထောင်စုဝန်ကြီး ဦးခွန်းဗဟန်းထန်တို့သည့် မေလ ၁၄ ရက်နေ့ မွန်းလွဲပိုင်းတွင် Queensland ပြည်နယ်ရှိ CRPH/NUG Support Group (Queensland) ၏ ကိုယ်စားလှယ်များ၊ Chin Community Council, Queensland (CCCQ) ၏ ဥက္ကဌ၊ Australian Karen Organisation (Queensland Chapter) ၏ ဥက္ကဌ၊ Karenni Organisation Queensland ၏ ဥက္ကဌနှင့် အမှုဆောင်အဖွဲ့ဝင်များ၊ Rohingya Community Queensland ၏ ဥက္ကဌနှင့် အတွင်းရေးမှုးများ၊ Queensland Myanmar Youth Community (QMYC) ၏ လူငယ်ကိုယ်စားလှယ်တို့အပြင် မြို့မိမြို့ဖများနှင့် တံခါးပိတ် ဆွေးနွေးပွဲ တခုကို ပြုလုပ်ခဲ့ပြီး နွေဦးတော်လှန်ရေး အခင်းအကျင်းနှင့် အမျိုးသားညီညွတ်ရေးအစိုးရ၏ လုပ်ဆောင်လျက်ရှိသော လုပ်ငန်းများ၊ ရပ်တည်ချက်နှင့် လူ့အခွင့်အရေးဝန်ကြီးဌာနက ဆောင်ရွက်လျက်ရှိသည့် လုပ်ငန်းများကို အမြင်ခြင်း ဖလှယ်ခြင်း၊ သိလိုသည်များကို ပြည့်စုံစွာ ရှင်းပြခြင်းများကို ဆောင်ရွက်ခဲ့ပါသည်။