၁၀၂၇ စစ်ဆင်ရေးကာလ အတွင်း အကြမ်းဖက်စစ်အုပ်စု၏ အရပ်သားပြည်သူများအပေါ် ပစ်မှတ်ထားတိုက်ခိုက်မှုများ

စစ်ဆင်ရေး ၁၀၂၇ တလတာနီးပါးကာလအတွင်း ရှမ်းပြည်နယ်မြောက်ပိုင်း အပြင် စစ်ကိုင်းတိုင်း၊ ရခိုင်ပြည်နယ်၊ ချင်းပြည်နယ်၊ ကရင်ပြည်နယ်နဲ့ ကရင်နီဒေသများတွင် တိုက်ပွဲပေါင်း ၅၂၅ ကြိမ်ထက်မနည်း ဖြစ်ပွါးခဲ့သည်။

ထိုတိုက်ပွဲကာလအတွင်းတွင် အကြမ်းဖက်စစ်အုပ်စုအနေဖြင့် အထိနာ ကျဆုံးမှုများစွာဖြင့် တပ်ရင်းအလိုက် လက်နက်ချ၊အလင်းဝင်မှုများလည်းဖြစ်ပေါ်လျက်ရှိပြီး အဖက်ဖက်က ယိုယွင်းပျက်စီးသည့် အနေအထားဖြစ်ပေါ်လျက်ရှိနေသည်။

ထိုအနေအထားတွင် အကြမ်းဖက်စစ်အုပ်စုအနေဖြင့် အရပ်သားပြည်သူများအပေါ် ပစ်မှတ်ထား၍ အကြမ်းဖက်မှုများ၊ သတ်ဖြတ်မှုများနှင့် ပြည်သူပိုင် ပစ္စည်းများကို မီးရှို့ဖျက်စီးမှုများကို ပိုမိုကျုးလွန်လာသည်ကို တွေ့ရှိရပြီး အဆိုပါ အချက်အလက်များကို လူ့အခွင့်အရေးဆိုင်ရာ ဝန်ကြီးဌာန က မြေပြင်မှအချက်အလက်များ စနစ်တကျ ကောက်ယူစုဆောင်း၍ ပြည်သူသို့ ထုတ်ပြန် တင်ပြအပ်သည်။