“Improving the support and protection of Human Rights Defenders to strengthen civic space” ညီလာခံသို့ ပြည်ထောင်စုဝန်ကြီတက်ရောက်

အဆိုပါ ညီလာခံကို အင်္ဂလန်နိုင်ငံ တွင် ၂၀၂၅ ခုနှစ်၊ ဇန်နဝါရီလအတွင်း (၃) ရက်တာ ကျင်းပခဲ့ခြင်းဖြစ်ပြီး ကုလသမဂ္ဂလူ့အခွင့်အရေးဆိုင်ရာယန္တရားမှ ထိပ်တန်းအရာရှိများ၊ ဥရောပနိုင်ငံအစိုးရများမှ လူ့အခွင့်အရေးဆိုင်ရာ သံတမန်များ၊ နိုင်ငံခြားရေးဝန်ကြီးဌာနများမှ အထူးတာဝန်ရှိသူများ၊ လူ့အခွင့်အရေးကို အားပေးလုပ်ဆောင်နေသော စီးပွားရေးလုပ်ငန်းရှင်များအပြင် လူ့အခွင့်အရေးကာကွယ်စောင့်ရှောက် သူများတက်ရောက်ဆွေးနွေးခဲ့ကြသည်။

လူ့အခွင့်အရေးဆိုင်ရာပြည်ထောင်စုဝန်ကြီး၊ဦးအောင်မျိုးမင်းအနေဖြင့် နိုင်ငံတကာ လူ့အခွင့်အရေးကာကွယ်စောင့်ရှောက်သူများအခွင့်အရေး ကြေညာစာတမ်းပါ အခွင့်အရေးများနှင့် ကာကွယ်စောင့် ရှောက်ရေးလုပ်ငန်းစဉ်များ ရှိသော်လည်း မြေပြင်တွင် လုပ်ဆောင်နေသည့် လူ့အခွင့်အရေးကာကွယ်စောင့်ရှောက်သူများ၏ အန္တရာယ်ကို ထိထိရောက်ရောက်ကာကွယ်ပေးနိုင်မှု အခြေအနေများ အားနည်းနေမှုကို ထောက်ပြပြောဆိုခဲ့သည်။ အထူးသဖြင့် မြန်မာနိုင်ငံအတွင်းလူ့အခွင့်အရေးကာကွယ် စောင့်ရှောက်သူများ အထူးကြုံတွေ့နေရသည့် မတရားဖမ်းဆီးခံရမှုများ၊ စစ်ဆေးရေးနှင့်ဖမ်းဆီး ထိန်းသိမ်းထားစဉ်အတွင်း လူ့အခွင့်အရေးချိုးဖောက်ခံရမှုအခြေအနေများ၊ လူ့အခွင့်အရေးကာကွယ်စောင့်ရှောက်သူများနှင့် မိသားစုဝင်များအား ပစ်မှတ်ထား၍ ဖိနှိပ်ခံရမှုအခြေအနေများကို တင်ပြခဲ့သည်။