စစ်ကိုင်းတိုင်း ၊ဒီပဲယင်းမြို့နယ်ရှိ ကျေးရွာ (၁၉)ရွာအား စစ်ကြောင်းထိုးဝင်ရောက်မီးရှို့ဖျက်စီးသတ်ဖြတ်ခဲ့မှုများ
အသေးစိတ်အချက်အလက်များကို အောက်ပါ Infograph တွင် လေ့လာနိုင်ပါသည်။
တပ်မ(၇၇)လက်အောက်ခံ၊ရန်ကုန်တိုင်းမှော်ဘီအခြေစိုက် ခြေမြန်တပ်ရင်း (ခမရ-၇၀၁) နှင့် အမှတ် (၁၀)စစ်ဆေးရေး ကွပ်ကဲမှုဌာနချုပ် လက်အောက်ခံ မော်လိုက် အခြေစိုက် (ခမရ-၃၆၄) မှ အကြမ်းဖက်စစ်တပ်၏ အကြမ်းဖက်စစ်သားများသည် ၂၀၂၂ ခုနှစ်၊ ဒီဇင်ဘာလ(၁)ရက်နေ့မှ ဒီဇင်ဘာာလ(၁၂)ရက်အထိ စစ်ကိုင်းတိုင်းဒေသကြီး၊ ဒီပဲယင်းမြို့ နယ်၊ မူးမြစ်ကမ်းတစ်လျှောက်ရှိ ကျေးရွာ (၁၈)ရွာနှင့် ရေဦးမြို့နယ်ရှိ ကျေးရွာတစ်ရွာအပါအဝင် စုစု ပေါင်း (၁၉)ရွာကို အကြမ်းဖက် စစ်ကြောင်းထိုးမီးရှို့ဖျက်စီးခဲ့ကြသည်။
အဆိုပါ အကြမ်းဖက်မှုဖြစ်စဉ်ကြောင့် အမြင်အာရုံချို့ယွင်းနေသော အသက် (၈၀)အရွယ်အဘွားအို အပါအဝင် ၅ ဦးသေဆုံးခဲ့ရပြီး ရွာပေါင်း (၁၉)ရွာရှိ အိမ်ခြေ (၂၀၇၀) လုံး မီးရှို့ဖျက်စီးခံခဲ့ရပါသည်။
လူ့အခွင့်အရေးဆိုင်ရာဝန်ကြီးဌာနအနေဖြင့် ပြည်သူတစ်ရပ်လုံး တန်းတူညီမျှမှုရရှိရေး၊ ငြိမ်းချမ်းရေးနှင့်တရားမျှတမှုရရှိရေးတည်းဟူသော ဦးတည်ချက်များကို ခိုင်ခိုင်မာမာလက်ကိုင်ဆွဲထား၍ အကြမ်းဖက်စစ်တပ်၏ ကျုးလွန်မှုများကိုအပြစ်ပေးအရေးယူနိုင်ရေး အစွမ်းကုန်တာဝန်ယူဆောင်ရွက်သွားပါမည်။
Related Content
