ပြည်ထောင်စု သမ္မတ မြန်မာနိုင်ငံ‌တော်၊အမျိုးသားညီညွတ်ရေး အစိုးရနှင့် ကိုးရီးယားပြည်သူ့သမ္မတနိုင်ငံ၊ဒီမိုကရက်တစ်လွှတ်တော်အမတ်များသည် ယနေ့ နေ့လည်ပိုင်းတွင် တွေ့ဆုံ ဆွေးနွေးပွဲ တစ်ရပ်ပြုလုပ်ကျင်းပခဲ့ပါသည်။ အဆိုပါတွေ့ဆုံဆွေးနွေးပွဲတွင် အမျိုးသားညီညွတ်ရေးအစိုးရ၊ နိုင်ငံခြားရေး၀န်ကြီးဌာန၊ ပြည်ထောင်စုဝန်ကြီး၊ ဒေါ်ဇင်မာအောင်က ဗီဒီယိုမိန့်ခွန်းဖြင့် အဖွင့် အမှာစကားပြောကြားခဲ့ပြီး၊ လူ့အခွင့်အရေး၀န်ကြီးဌာန၊ ပြည်ထောင်စု၀န်ကြီး၊ ဦးအောင်မျိုးမင်း၊ အမျိုးသမီး လူငယ်နှင့် ကလေးသူငယ်ဆိုင်ရာဝန်ကြီးဌာန၊ ဒုတိယ၀န်ကြီး ဒေါ်အိသဉ္ဇာမောင် နှင့် မြန်မာ့နွေဦးတော်လှန်ရေးခေါင်းဆောင်တစ်ဦး ဖြစ်သည့် ဒေါက်တာ တေဇာဆန်းတို့ တက်ရောက်ခဲ့ပြီး ကိုရီးယားပြည်သူ့သမ္မတနိုင်ငံဘက်မှ ကိုရီးယားဒီမိုကရက် ပါတီ လွှတ်တော်ကိုယ်စားလှယ် (၈) ဦး တက်ရောက်ခဲ့ပါသည်။ အစည်းအဝေးတွင် လက်ရှိမြန်မာနိုင်ငံ၏ လူ့အခွင့်အရေးအခြေအနေနှင့်ပတ်သက်၍ ကိုးရီးယားအစိုးရအနေဖြင့် လုပ်ဆောင်သင့်သည့် အကြောင်းအရာများကို အကြံပြုဆွေးနွေးခဲ့ပါသည်။ ကိုရီးယား နိုင်ငံ လွှတ်တော်ကိုယ်စားလှယ်များကလည်း လက်ရှိလူ့အခွင့်အရေးချိုးဖောက်နေသော နိုင်ငံများအား အပြစ်ပေးအရေးယူနိုင်သည့် ဥပဒေတစ်ခု ပေါ်ပေါက်လာပြီး မြန်မာနိုင်ငံအပေါ်ဆက်လက် ဖိအားပေးလုပ်ဆောင်သွားမည်ဖြစ်ကြောင်း နှင့် မြန်မာနိုင်ငံ၏ နွေဦးတော်လှန်ရေးနှင့် အတူ အမျိုးသားညီညွတ်ရေးအစိုးရ NUG ကို ထောက်ခံအားပေးပြီး ရှေ့ဆက် လက်တွဲလုပ်ဆောင်သွားမည်ဖြစ်ကြောင်း ပြောကြားခဲ့ပါသည်။ ဆက်လက်ပြီး အစည်းအဝေးသို့ တက်ရောက်လာသည့် ကိုးရီးယားနိုင်ငံရောက်မြန်မာအဖွဲ့ အစည်းများ ကလည်း ၎င်းတို့၏ ဒီမိုကရေစီအရေး ဆောင်ရွက်နေမှုများကိုလည်း တင်ပြဆွေးနွေးခဲ့ကြပြီး အစည်းအဝေးကို အောင်မြင်စွာ ရုတ်သိမ်းခဲ့ပါသည်။
Discussions include how the Republic of Korea (RoK) can provide assistance and support in terms of human rights abuses and violations currently taking place in Myanmar. The MPs from the RoK said they will be working toward creating a legal system within which nations violating human rights are persecuted and prosecuted, continuing the pressure on the Myanmar Military council, and keeping collaboration and support for the NUG as well as the Spring Revolution. The meeting was concluded after the members of the Myanmar community in Korea presented their activities and solidarity movements towards restoring democracy in Myanmar. Attendees of the meeting included the DPK’s members, Soh Hyung, Lee Nah G’yaung, Lee Sang Min, Kim Myung Kyu, Lee Wan Oat, Kim Myu Doh, Kim Han Gyaung, Park Yong Song, and Soh Myung Saoh, and Myanmar community members from 18 organisations.