လူ့အခွင့်အရေးဆိုင်ရာဝန်ကြီးဌာန၊ ဒုတိယဝန်ကြီး နယူးယောက်မြို၌ ကုလသမဂ္ဂဆိုင်ရာ ကနေဒါနိုင်ငံ သံအမတ်ကြီးနှင့် ဒုတိယ အမြဲတမ်း ကိုယ်စားလှယ်ဖြစ်သူနှင့်တွေ့ဆုံ

ဒုတိယဝန်ကြီးဦးအောင်ကျော်မိုးသည် ကုလသမဂ္ဂဆိုင်ရာ ကနေဒါနိုင်ငံ သံအမတ်ကြီးနှင့် ဒုတိယ အမြဲတမ်း ကိုယ်စားလှယ် H.E Richard Arbeiter နှင့် နယူးယောက်မြို ကနေဒါသံရုံးတွင် တွေ့ဆုံပြီး မြန်မာပြည်၏ လူအခွင့်ရေးအခြေအနေ ၊ လူသားချင်းစာနာမှုအကူအညီလိုအပ်နေမှုအခြေအနေ ၊ ရိုဟင်ဂျာ များ၏ လက်ရှိအခြေအနေများကိုဆွေးနွေးခဲ့သည်။
ထိုအပြင် လွန်ခဲ့သည့် ရက်အနည်းငယ်က လိုင်ဇာရှိစစ်ဘေးရှောင်စခန်းအား အကြမ်းဖက်စစ်အုပ်စုက ဝေဟင်မှ ပစ်ခတ်တိုက်ခိုက်မှုအပါအဝင် ပြည်သူများအပေါ် ၎င်းတိုဆက်လက် ကျုးလွန်လျက်ရှိသည့် ရက်စက်ကြမ်းကြုတ်မှုများကို အပြစ်ပေးအရေးယူရေးကိစ္စများနှင့်စပ်လျဉ်း၍လည်း အမြင်ချင်းဖလှယ်ဆွေးနွေးခဲ့ကြသည်။

သံအမတ်ကြီးက နိုင်ငံတကာတရားစီရင်ရေးကိစ္စများအား ကနေဒါနိုင်ငံအနေနှင့် ကြိုးပမ်းဆောင်ရွက်မှုများ၊ အရပ်ဖက်အဖွဲအစည်းများကို ကူညီပေးနေမှုအခြေအနေများကို ပြန်လည်ဆွေးနွေးခဲ့ပြီး ကနေဒါနိုင်ငံအနေနှင့် မြန်မာ့ဒီမိုကရေစီအရေးကို ဆက်လက်အားပေးကူညီသွားမည်ဖြစ်ကြောင်း ပြောကြားခဲ့သည်။