မဲလ်ဘုန်းမြို့တွင် ကျင်းပပြုလုပ်သော ရန်ပုံငွေဈေးရောင်းပွဲတော်နှင့် “၁၆ရက်တာလှုပ်ရှားမှုကမ်ပိန်း” သို့ ဒုတိယဝန်ကြီး ခွန်းဗဟန်းထန် တက်ရောက်

မွန်ပြည်နယ်အတွင်းရှိ စစ်ဘေးရှောင်ပြည်သူများအား လူသားချင်းစာနာထောက်ထားမှု အကူအညီများ ထောက်ပံ့ပေးအပ်နိုင်ရန် ရည်ရွယ်၍ Mon Society Australia မှ ကြီးမှူးစီစဉ်သော နွေဦးတော်လှန်ရေး ရန်ပုံငွေဈေးရောင်းပွဲတော်နှင့် CRPH/NUG Support Group – Victoria နဲ့ Victorian Myanmar Youth (VMY) မှ ကြီးမှူးစီစဉ်သော “အမျိုးသမီးနှင့် မိန်းကလေးငယ်များအပေါ် အကြမ်းဖက်မှုပပျောက်ဖို့၊ အားလုံး စုစည်းလုပ်ဆောင်စို့” ဟူသော “၁၆ရက်တာလှုပ်ရှားမှုကမ်ပိန်း” အစီအစဉ်ကို ၂၀၂၂ ခုနှစ် နိုဝင်ဘာလ ၂၇ ရက်နေ့ (တနင်္ဂနွေနေ့) တွင် ဩစတေးလျနိုင်ငံ မဲလ်ဘုန်းမြို့၌ အတူတကွ ပူးပေါင်းလုပ်ဆောင်ခဲ့ကြပါသည်။

 

အဆိုပါ ရန်ပုံငွေပွဲသို့ အမျိုးသားညီညွတ်ရေးအစိုးရ၊ လူ့အခွင့်အရေးဆိုင်ရာဝန်ကြီးဌာန၊ ဒုတိယဝန်ကြီး ခွန်းဗဟန်းထန် တက်ရောက်၍ အားပေးအမှာစကားပြောကြားခဲ့ပြီး “အမျိုးသမီးနှင့် မိန်းကလေးငယ်များအပေါ် အကြမ်းဖက်မှုပပျောက်ဖို့၊ အားလုံးစုစည်းလုပ်ဆောင်စို့” ၁၆ ရက်တာ လှုပ်ရှားမှု ကမ်ပိန်းတွင် ပါဝင်ကြရန်လည်း နှိုးဆော်တိုက်တွန်းခဲ့ပါသည်။