လူ့အခွင့်အရေးဆိုင်ရာဝန်ကြီးဌာနနှင့် ပညာရေးဝန်ကြီးဌာန လူ့အခွင့်အရေးဆိုင်ရာသင်ရိုးရေးဆွဲရေး ညှိနှိုင်းဆွေးနွေး

အမျိုးသားညီညွတ်ရေးအစိုးရ လူ့အခွင့်အရေးဆိုင်ရာဝန်ကြီးဌာနနှင့် ပညာရေးဝန်ကြီးဌာနတို့သည် လူ့အခွင့်အရေးဆိုင်ရာသင်ရိုးရေးဆွဲရေးညှိနှိုင်းအစည်းအဝေးတစ်ရပ်ကို ၂၀၂၁ ခုနှစ် ဇူလိုင်လ ၉ ရက်နေ့တွင် ကျင်းပခဲ့ကြသည်။

အစည်းအဝေးသို့ လူ့အခွင့်အရေးဆိုင်ရာဝန်ကြီးဌာန ပြည်ထောင်စုဝန်ကြီး ဦးအောင်မျိုးမင်း၊ ပညာရေးဝန်ကြီးဌာန ဒုတိယ ပြည်ထောင်စုဝန်ကြီး ဂျာထွယ်ပန်နှင့် ဝန်ကြီးဌာနနှစ်ခုမှ တာဝန်ရှိသူများ တက်ရောက်ခဲ့ကြသည်။

အစည်းအဝေးတွင် လူ့အခွင့်အရေးသင်ရိုးရေးဆွဲရေးအတွက် လိုအပ်ချက်များကို ဆွေးနွေးကြပြီး လူ့အခွင့်အရေးဆိုင်ရာ ကျွမ်းကျင်ပညာရှင်များနှင့် သင်ရိုးညွှန်းတမ်းရေးဆွဲရေးဆိုင်ရာ ကျွမ်းကျင်ပညာရှင်များ ပူးတွဲပါဝင်သော လူ့အခွင့်အရေးဆိုင်ရာ သင်ရိုးရေးဆွဲရေးအဖွဲ့ကို ဖွဲ့စည်းဆောင်ရွက်ရန် ဆုံးဖြတ်ခဲ့ကြသည်။