ပြည်ထောင်စု ဒုဝန်ကြီး

ဗဟန်းထန်

ပြည်ထောင်စု ဒုဝန်ကြီး
လူ့အခွင့်အရေးဆိုင်ရာဝန်ကြီးဌာန

လူ့အခွင့်အရေးဆိုင်ရာ ဝန်ကြီးဌာန ဒုတိယဝန်ကြီး ဗဟန်းထန်သည် တော်လှန်ရေး မိဘနှစ်ပါးမှ ပေါက်ဖွားလာသော

ကရင်နီပြည်နယ်ဖွား ကယန်းတိုင်းရင်းသားတဦး ဖြစ်ပါသည်။

ဗဟန်းထန်သည် ထိုင်းနိုင်ငံ ဘန်ကောက်မြို့ရှိ Ramkhamhaeng University တွင် Master of Arts in Political Science ဘွဲ့ ပြီးမြောက်ရယူခဲ့သည်။

ဗဟန်းထန်သည် ကယန်းပြည်သစ်ပါတီကို ကိုယ်စားပြုသူတဦးဖြစ်ပြီး စစ်အာဏာရှင်စနစ် ပြုတ်ကျရေးနှင့် စစ်မှန်သော ဖယ်ဒရယ်ဒီမိုကရေစီ ပြည်ထောင်စု ပေါ်ပေါက်ရေးဟူသည့်  နိုင်ငံရေးရည်မှန်းချက်များကို လက်ခံထားသူဖြစ်သလို တစိုက်မတ်မတ် ဆောင်ရွက်လာသူလည်းဖြစ်သည်။ ကယန်းပြည်သစ်ပါတီအတွက် ပြည်တွင်းပြည်ပ မဟာမိတ်ဆက်ဆံရေး တာဝန်ခံအဖြစ် ကိုယ်စားပြုဆောင်ရွက်ခဲ့သည်။

ဗဟန်းထန်သည် ၂၀၀၈ အခြေခံဥပဒေအား No Vote Campaign နှင့် ဆန့်ကျင်လှုံ့ဆော်မှု၊ United Nationalities Federal Council (UNFC) ဟုခေါ်သည့် ညီညွတ်သော တိုင်းရင်းသားလူမျိုးများ ဖယ်ဒရယ်ကောင်စီညီလာခံတွင် ပါဝင်ဆောင်ရွက်မှု၊ ၂၀၁၅ ခုနှစ် ရွေးကောက်ပွဲ၊ ၂၀၂၀ ခုနှစ် ရွေးကောက်ပွဲများအတွင်း လှုံ့ဆော်ဆောင်ရွက်မှု စသည်တို့တွင် ပါဝင်ဆောင်ရွက်ခဲ့သည်။